CUENTOS EN IDIOMA K'ICHE'

ALAJ IMUL

Ek’o kajib’ ral ri imul, jun saq, jun q’an, jun q’eq, jun q’eqoj, sib’alaj ketz’anik, kech’opinik ri alaj taq imul. Ri kinan xub’ij chike: -ma kixe’ ta naj, we kixetz’anik, xaq naqaj kixk’oji’ wi. Le laj imul q’eq rij, are kach’opinik, ma kuxe’j ta rib’, k’ate xrilo ma ek’o ta chik ri rachalal.

Xka’y chirij, xka'y chuwach, ma k’o ta chi jun ksilob’ik, xoq’ik xuxe’j rib’ xch’opinik xtzalij loq xuriq ta chik ri ub’e. Xkoti’ pa q’ayes xoq’ik. K’ate xrilo, xpe ri unan che utzukuxik, xkikotik, xusalab’isaj ri taq uxkin. Xuta’ sachb’al umak che ri unan. Xub’ij che: -sacha’ la numak nan, man kinb’an ta chik, kinimaj tzij la. Rajawaxik ri ak’alab’ kikinimaj kitzij le kinan, kitat.

LE H’OLOT ALI

Ko jumul, jun ali la’j raqan, k’olot uwi’, je’l kpetik rumal po’r ri ub’aq’ wach. Xk’ulmataj k’ut, xu’lik chi uchi’ ri ub’e, rumal che kilik konojel le winaq ke'ik'owik.

Are tzalij cho rachoch xuchap b’is, xuriqa jumul koq’ik. Xpe le unan xuta che: -jas le kawoq’ej. Are’ xub’ij: - xa man utz taj kinwil le nuwi’, rumal chi k’olot. Are kaqaj chi nuwach le wi’ ka sololik. Xpe ri unan xub’ij che: - chachomaj wal, are utz kawaj awib’, konojel le winaq we taq laj on nim kaqan, k’olot ki wi’. Xaq uj junam chi uwach ri Ajaw.

Ya’tal chaqe qonojel ri uj winaq utz kaqil qib’.